"Inter" "Udineze" yarim himoyachisi Jan-Viktor Makengoga qiziqish bildirmoqda, deb xabar beradi FInterNews.

23 yoshli futbolchi joriy mavsumda “Udineze” safida 23 ta o‘yinda maydonga tushib, 1 ta gol urdi va 2 ta golli uzatmani amalga oshirdi.

Hozircha “Inter” futbolchining atrofidagilar yoki klub bilan muzokaralarni boshlagani yo‘q, biroq FInterNews xabariga ko‘ra, “neradzurrilar” skautlari futbolchining o‘yinlarini bir necha bor kuzatgan. Transfermarkt xabariga ko‘ra, Makengoning transfer narxi 4 million yevroni tashkil qiladi.