"Manchester Yunayted" bosh murabbiyi Ralf Rangnik "Atletiko"ga qarshi o‘yindan keyin hakamlarni tanqid qildi. U shunday deydi:
"Birinchi bo‘limni yaxshi o‘tkazdik. Yaratilgan vaziyatlardan foydalana olmaslik bizni qiynadi. Hakamlikka keladigan bo‘lsak, ba’zi g‘alati qarorlar meni o‘ylantirdi. To‘g‘ri, hal qiluvchi vaziyatlarda xatolar bo‘lmadi. Ammo raqib vaqtni cho‘zishga harakat qilsa ham, o‘yinga bor-yo‘g‘i 4 daqiqa qo‘shib berildi va bu men uchun hazildek tuyuldi. Antoni Elangaga nisbatan ham raqib fol ishlatgan edi. Ammo hakamlar buni e’tiborsiz qoldirishdi".
