Markus Rashford «Atletiko»ga qarshi o‘yindan keyingi o‘zining hatti-harakatlarini tushuntirdi.

«Manchester Yunayted» hujumchisi stadionni tark etib, bir guruh muxlislar yonidan o‘tib ketdi. Muxlislar futbolchining ismini aytib baqirishdi, shundan so‘ng u ortiga o‘girilib, qo‘li bilan ishora qildi. Ijtimoiy tarmoqlarda Reshford muxlislarga o‘rta barmog‘ini ko‘rsatgani haqida taxminlar paydo bo‘ldi.

“Video ming so‘zdan kuchliroq bo‘lishi mumkin va bu holda ijtimoiy tarmoqlarda noto‘g‘ri ma’lumotlar tarqalishiga olib kelishi mumkin.

Yigitlar, bir necha hafta davomida meni ta’qib qilishdi, tahdid qilishdi, savollar berishdi va kecha tunda his-tuyg‘ularim ustidan g‘alaba qozondim. Men insonman. Har kuni o‘zingiz haqingizda bu bema’ni gaplarni o‘qish va tinglash sizni charchatadi.

Hech kim o‘zim kabi ishimni tanqid qilmaydi. Ammo bu videoda ko‘rgan narsangiz kontekstga ega emas.

Stadiondan chiqqanimdanoq meni g‘azablantirmoqchi bo‘lishdi, haqoratlar esa faqat o‘yinim bilan bog‘liq emas edi. Odamlar mening munosabatimni kutishardi. Telefonlar tayyorlangandi. Albatta, men buni chetlab o‘tishim va bunga e’tibor bermaslik kerak. Biz buni shunday qilishimiz kerak, to‘g‘rimi?

Men ikkita fikrga aniqlik kiritmoqchiman. Avvaliga haqiqatdan ham meni haqorat qilayotgan odamga yuzlanib, «Bu yerga keling va yuzimga ayting» dedim (bu haqiqatni xavfsizlik xizmati tasdiqlashi mumkin). Ikkinchidan, men ko‘rsatkich barmog‘im bilan ushbu muxlisga ishora qildim.

Men o‘rta barmog‘imni ko‘rsatmadim. Mening bunga haqqim yo‘q. Bu xudbinlik emas. Men g‘amginman. Men xafaman. O‘sha paytda men ahmoqona, lekin insoniy harakat qildim», - deb yozdi Reshford o‘zining "Tvitter"dagi rasmiy sahifasida.