Tomas Tuxel Chempionlar ligasining 1/8 finali doirasidagi «Lill»ga qarshi o‘yin haqida fikr bildirdi.

Uchrashuvda "Chelsi" 2:1 hisobida g‘alaba qozondi. Birinchi o‘yin "ko‘klar"ning 2:0 hisobidagi g‘alabasi bilan yakunlangan edi.

"Ajoyib. Bu yerda ko‘plab muxlislar jamoani qo‘llab-quvvatlagani juda yoqimli. Chorak final - bu katta qadam. Biz qiyinchiliklarni yengib, chidamlilik va mentalitetni namoyon etdik.

"Chelsi"da kundalik ishlarga asoslangan madaniyat bor. Bu yerda birinchi kundanoq futbol birinchi o‘rinda turadi degan mentalitetni ko‘rdim. Hamma bor kuchini berib, bor e’tiborini o‘yinga qaratadi.

Biz muhit yaratishga harakat qildik. Bu madaniyat allaqachon shakllangan va u qiyin va chalg‘ituvchi paytlarda diqqatimizni jamlashga yordam beradi.

Biz futbolchilarni qo‘llab-quvvatlaymiz. Biz hali ham natijalarga erisha olganimiz ajoyib va men bundan faxrlanaman” - dedi Tuxel BT Sport nashriga.