Томас Тухель Чемпионлар лигасининг 1/8 финали доирасидаги «Лилл»га қарши ўйин ҳақида фикр билдирди.

Учрашувда "Челси" 2:1 ҳисобида ғалаба қозонди. Биринчи ўйин "кўклар"нинг 2:0 ҳисобидаги ғалабаси билан якунланган эди.

"Ажойиб. Бу ерда кўплаб мухлислар жамоани қўллаб-қувватлагани жуда ёқимли. Чорак финал - бу катта қадам. Биз қийинчиликларни енгиб, чидамлилик ва менталитетни намоён этдик.

"Челси"да кундалик ишларга асосланган маданият бор. Бу ерда биринчи кунданоқ футбол биринчи ўринда туради деган менталитетни кўрдим. Ҳамма бор кучини бериб, бор эътиборини ўйинга қаратади.

Биз муҳит яратишга ҳаракат қилдик. Бу маданият аллақачон шаклланган ва у қийин ва чалғитувчи пайтларда диққатимизни жамлашга ёрдам беради.

Биз футболчиларни қўллаб-қувватлаймиз. Биз ҳали ҳам натижаларга эриша олганимиз ажойиб ва мен бундан фахрланаман” - деди Тухель BT Sport нашрига.