Unai Emeri «Vilyarreal»ning «Yuventus»ni qanday mag‘lub etganini tushuntirib berdi.
Ispaniyaliklar Chempionlar ligasi 1/8 final javob o‘yinida (birinchi o‘yin – 1:1) "Yuventus" jamoasini safarda mag‘lub etdi (3:0).
“O‘yin rejamiz bor edi. Biz qiyin daqiqalar bo‘lishini bilardik. Biz Jerar Morenoga ishondik, uning kerakli vaqtda maydonga tushishini istagandik. Bugun u ajoyib qaytishni amalga oshirdi (Ispaniyalik futbolchi bir oydan ortiq maydonga tushmadi, 74-daqiqada zaxiradan maydonga tushdi, 78-daqiqada esa penaltidan g‘alaba to‘pini kiritdi - muallif).
O‘yinlar turli yo‘llar bilan rivojlanadi va turli yo‘nalishlardan iborat bo‘ladi. Darvozabonimiz Jeronimo Ruli yaxshi o‘ynashini bilardik va biz o‘z vaziyatimizni kutishimiz kerakligini rejalashtirgandik. Birinchi bo‘limda raqib xavfliroq o‘ynadi, tanaffusdan keyin o‘yin yanada tenglashdi. Qiyin bo‘lgan uchrashuvni o‘z tomonimizga og‘dira oldik va kerakli vaziyatlarda oldinga o‘tib, o‘z maqsadimizga yetdik”, - dedi «Vilyarreal» bosh murabbiyi.
