Унаи Эмери «Вилярреал»нинг «Ювентус»ни қандай мағлуб этганини тушунтириб берди.

Испанияликлар Чемпионлар лигаси 1/8 финал жавоб ўйинида (биринчи ўйин – 1:1) "Ювентус" жамоасини сафарда мағлуб этди (3:0).

“Ўйин режамиз бор эди. Биз қийин дақиқалар бўлишини билардик. Биз Жерар Моренога ишондик, унинг керакли вақтда майдонга тушишини истагандик. Бугун у ажойиб қайтишни амалга оширди (Испаниялик футболчи бир ойдан ортиқ майдонга тушмади, 74-дақиқада захирадан майдонга тушди, 78-дақиқада эса пенальтидан ғалаба тўпини киритди - муаллиф).

Ўйинлар турли йўллар билан ривожланади ва турли йўналишлардан иборат бўлади. Дарвозабонимиз Жеронимо Рульи яхши ўйнашини билардик ва биз ўз вазиятимизни кутишимиз кераклигини режалаштиргандик. Биринчи бўлимда рақиб хавфлироқ ўйнади, танаффусдан кейин ўйин янада тенглашди. Қийин бўлган учрашувни ўз томонимизга оғдира олдик ва керакли вазиятларда олдинга ўтиб, ўз мақсадимизга етдик”, - деди «Вильярреал» бош мураббийи.