"Real Madrid" rahbarlari italiyalik tajribali mutaxassis Karlo Anchelotti faoliyatidan juda mamnun.
Marca nashri xabariga ko‘ra, madridliklar rahbarlari yaqinda uchrashib, Anchelotti ishini muhokama qilishgan. “Qaymoqranglilar” rahbariyati italiyalik murabbiyga ishonch bildirmoqda. Qolaversa, Karlo o‘tgan mavsumga nisbatan deyarli o‘zgarmagan tarkib bilan juda yaxshi natijalar qayd etmoqda.
Eslatib o‘tamiz, Madrid klubi Chempionlar ligasining chorak finaliga chiqdi. Milliy chempionatda "Real Madrid" hamon birinchi o‘rinda va eng yaqin ta’qibchidan o‘n ochko oldinda.
