17 mart kuni Toshkentda futbol bo‘yicha O‘zbekiston Superligasida ishtirok etayotgan «Surxon» professional futbol klubining matbuot anjumani bo‘lib o‘tdi.
Yangi mavsumda klubda ko‘plab o‘zgarishlar ro‘y berdi, ularning asosiylari yangi homiylar: Surhan Gas Chemical, Eriell va Enter Engineering. Ushbu korxonalar nafaqat asosiy jamoani, balki «Surxon» akademiyasini tashkil etish hamda Termiz shahridagi uy stadionini rekonstruksiya qilish va ta’mirlash ishlarini ham qo‘llab-quvvatlashni o‘z zimmalariga olishdi.
Klub logotipi ham yangilandi, shu bilan birga jamoa dizaynerlari muxlislarga allaqachon tanish bo‘lgan shakl va ranglarni saqlab qolgan holda katta o‘zgarishlar qilmadi. Yaqin vaqt ichida jamoa rahbariyati klubning rasmiy veb-saytini taqdim etishni rejalashtirmoqda, u yerdan barcha kerakli ma’lumotlarni hamda media fayllarni tezda olish imkoniyatiga ega bo‘ladi.
Ispaniyalik murabbiy Anxel Lopes 2022 yilgi mavsumda jamoani boshqargandi. Murabbiylik faoliyati davomida Lopes «Xetafe» tizimida (La Ligada o‘ynaydigan professional futbol klubi), «Rekreativo» (Ispaniyaning eng qadimgi klubi, 1889 yilda tashkil etilgan) bilan ishlagan va Ekvatorial Gvineya terma jamoasini tayyorlashga muvaffaq bo‘ldi.
Anxel Lopes: “Surxon – qiziqarli loyiha, rivojlanish uchun barcha imkoniyatlar bor. Biz bosqichma-bosqich o‘z xarakteriga ega zamonaviy klub qurishni rejalashtirganmiz. Jamoa birgalikda o‘ynashi, bir-birini yaxshiroq bilishi kerak va biz kuchli raqobatbardosh jamoa bo‘lishga harakat qilamiz”.
«Surxon» stadionida hozirda “Enter Engineering” kompaniyasi tomonidan rekonstruksiya qilinmoqda. Jamoa keyingi mavsumda u yerga qaytadi, shu bois yaqin kunlarda jamoaning uy uchrashuvlari Samarqanddagi «Dinamo» stadionida bo‘lib o‘tadi.
Anxel Lopes: “Muxlislar jamoaning muhim qismi va biz ularni sog‘inamiz, ammo Termizda o‘ynamasligimizga qaramay, ular bizni qo‘llab-quvvatlashlariga umid qilaman. Biz, o‘z navbatida, bu yil ham yaxshi natijalarga erishish uchun bor kuch-g‘ayratimizni ishga solamiz!”.
Sport vazifalariga kelsak, klubning yangi rahbariyati o‘z oldiga real maqsadlarni qo‘ydi – jamoaning turnir jadvalidagi o‘rnini yaxshilash va jiddiy da’vogar sifatidagi mavqeini mustahkamlash.
Zohir Pirimov, «Surxon» PFK yarim himoyachisi: “Evropacha ish uslubiga ega yangi murabbiyning kelishi klub hayotining barcha jabhalariga ijobiy ta’sir ko‘rsatmoqda. Shaxsan men shunday murabbiydan yangi narsalarni o‘rganishga qiziqaman. Jamoa har jihatdan professionalroq bo‘lishga harakat qilmoqda, klub yangi homiylar va futbol falsafasi bilan yangi bosqichga chiqmoqchi. O‘ylaymanki, natijada biz yuqoriga ko‘taramiz. Ular biz uchun futbol rivojlanishi uchun yaxshi sharoit yaratib berishadi”.
Luis Migel Kezada, «Surxon» PFK yarim himoyachisi: “Biz hammamiz klub manfaati va uning rivojlanishi uchun ishlaymiz, maqsadimiz jamoa bilan birga g‘alaba qozonish va o‘sishdir. Surxonda yuqori tezlikda futbol o‘ynashga intilayotgan ko‘plab zo‘r futbolchilar bor, xorijlik futbolchi va murabbiylar esa tezroq rivojlanishga, tajriba almashishga yordam berishmoqda”.
JAMOA
Murabbiy shtabi:
Anxel Lopes Peres – Bosh murabbiy
Migel Alvares – Yordamchi murabbiy
Jonatan Lomas – Tahlilchi
Karlos Sanches – Jismoniy tayyorgarlik bo‘yicha murabbiy
Xulen Esnaola Erro – Darvozabonlar murabbiy
FUTBOLCHILAR
Darvozabonlar:
№1 Azamat Ahmedov
№25 Xavi Ximenes
№35 Shoxruh Eshbo‘tayev
Himoyachilar:
№66 Behruz Shaydulov
№2 Zoir Jo‘raboyev
№3 Boburjon Akbarov
№29 Kamoliddin Ashurov
№31 Aslbek Temirov
№24 Farhod Mamatqulov
№34 Shohjahon Zaripov
№5 Serxio Rodriges
№26 Ulug‘bek Abdullayev
№33 Tohirjon Shamsitdinov
Yarim himoyachilar:
№19 Nuriddin Hasanov
№60 O‘ral Choriyev
№7 Islomjon Toshpo‘latov
№6 Jahongir Ahmadov
№99 Kamron Saydazimov
№4 Javohir Sohibov
№9 Zohir Pirimov
№11 Luis Migel Sanches Kezada
№8 Baxtiyorjon Qosimov
№ 20 Iqboljon Malikjonov
№ 55 Sharofiddin Shobirov
№51 Asilbek Norov
№44 Dilshod Rashidov
№30 Otabek Odiljonov
№88 Asadbek Hamzayev
№32 Mag‘rurbek Pardayev
Hujumchilar:
№13 Miroslav Markovich
№38 Muhammadali Abdurahmonov
№10 Murodbek Bobojonov
№23 Abdul-Aziz Yusupov
№64 Samandar Qodirov
№27 Otabek Mustafoqulov
№28 Behruz Qulmatov
