Quyida e’tiboringizga «Yuventus»ning ijaradagi futbolchilari haqida ma’lumot beramiz.
Deyan Kulusevski
Futbolchi Premyer-liganing yettita o‘yinida maydonga tushdi va 502 daqiqa o‘ynadi. «Yuventus» muxlislari endi bundayin iste’dodni qo‘ldan chiqarganlaridan afsusda. Yanvar oyidan beri shved ikki gol urib, uchta golli uzatmani amalga oshirdi. Konte uchun u 3-4-2-1 sxemasida asosiy o‘yinchiga aylangan. Son va Keyn bilan birga ajoyib trio hosil qilmoqda. Biroq so‘nggi o‘yinda uning jamoasi «Manchester Yunayted»ga 3:2 hisobida mag‘lub bo‘ldi.
Aaron Remzi
«Reynjers» sharafini Aaron munosib himoya qilmoqda. Shotlandiya kubogi chorak finalida «Dandi»ga qarshi bahsda u 79-daqiqaga qadar o‘ynadi va uning jamoasi 3:0 hisobida g‘alaba qozondi.
Duglas Kosta
Braziliyalik futbolchining sa’y-harakatlari «Los-Anjeles Gelaksi»ni «Sietl»ga 2:3 hisobida mag‘lub bo‘lishidan qutqarib qola olmadi.
Grigoris Kastanos
Futbolchiga so‘nggi bahslarda asosiy tarkibda o‘ynash imkoni berilmoqda. U «Salernitana» - «Sassuolo» uchrashuvining ikkinchi bo‘limi boshlanishida almashtirildi. Uchrashuv esa durang bilan yakunlangan.
Merix Demiral
Turkiyalik himoyachi maydonga tushgan bahsda «Atalanta» «Jenoa» bilan muvaffaqiyatsiz natija qayd etdi, o‘yin golsiz durang bilan yakunlandi.
Marko Pyasa
«Fiorentina» a’zosi «Inter»ga qarshi o‘yinda zaxira o‘rindig‘ida qoldirildi. Uchrashuv esa 1:1 hisobidagi durang bilan yakunlandi.
Federiko Gatti
Kecha «Frozinone» «Aleksandriya»ni mag‘lub etdi. Himoyachi esa butun o‘yinni maydonda o‘tkazdi. Umumiy hisob: 3-0
Matteo Brunori
Hozircha ushbu hujumchini to‘xtatib bo‘lmayapti. «Palermo» 2:1 hisobida g‘alaba qozongan oqshom «Avellino»ga qarshi bahsda Matteo gol urdi va bir to‘pga assistentlik qildi. Transfer huquqi «Yuve»ga tegishli bo‘lgan 94 yilda tug‘ilgan futbolchi hozirgacha o‘z hisobiga 17 gol yozdirib qo‘ygan. Birinchi o‘rindagi Luka Moroda esa 21 gol mavjud.
