Konferensiyalar ligasi musobaqasida nimchorak final bosqichi o‘yinlari yakuniga yetdi. Navbat keyingi bosqichlar uchun tashlanadigan qur’a marosimiga. Ushbu tadbir haqidagi eng muhim ma’lumotlarni e’tiboringizga havola qilamiz.

Qachon va qayerda?
Yevropa ligasi chorak final, yarim final va finaliga qur’a tashlash marosimi 18 mart kuni, juma kuni UYEFA qarorgohi joylashgan Shveysariyaning Nyon shahrida bo‘lib o‘tadi. Marosim Toshkent vaqti bilan 19:00da boshlanadi.

Qaysi jamoalar ishtirok etadi?
Ushbu bosqichga Niderlandiyadan 2ta, olti mamlakatdan esa bittadan vakillar yetib kelishdi. Shuningdek, Shomurodovning "Roma"si ham shu yerda ekanini eslatib o‘tamiz.

"Bude-Glimt" (Norvegiya)
"Lester" (Angliya)
"Olimpik" (Fransiya)
PAOK (Gresiya)
PSV (Niderlandiya)
"Roma" (Italiya)
"Slaviya" Praga (Chexiya)
"Feyenoord" (Niderlandiya)

Qur’a tartibi qanday?
Marosimda 3 xil qur’a tashlanadi. Dastlab chorak final juftliklari aniqlanadi, so‘ngra yarim final to‘qnash kelishi mumkin bo‘lgan juftliklar uchun qur’a tashlanadi. Yakunda esa finalda nominal mezbon nomini aniqlash uchun qur’a tortiladi.

Qur’a "ko‘r-ko‘rona" tamoyili asosida o‘tkaziladi. Jamoalar savatchalarga ajratilmaydi. Bir mamlakat vakillari o‘zaro to‘qnash kelishi mumkin. Qur’ada birinchi bo‘lib nomi chiqqan jamoa ikkinchi klub bilan juftlik hosil qiladi. Va hokazo.

O‘yinlar taqvimi    

Chorak final:
Dastlabki uchrashuvlar: 7 aprel
Javob bahslari: 14 aprel

Yarim final:
Dastlabki uchrashuvlar: 28 aprel
Javob bahslari: 5 may

Final
25 may ("Milliy arena", Tirana)