Ispaniyaning «Real Sosyedad» sardori Mikel Oyarsabal jarohati sabab mavsumning qolgan qismida maydonga tusha olmaydi, deya xabar beradi jamoa matbuot xizmati.
17 mart kuni ertalabki mashg‘ulotda yarim himoyachi chap tizzasini jarohatlab oldi. Tibbiy ko‘rik futbolchining oldingi xoch bog‘lami yirtilganini ko‘rsatdi. Yaqin haftalarda ispaniyalik operasiya qilinadi.
Shu tariqa, Oyarsabal joriy mavsum oxirigacha maydonga tushmaydi va Ispaniya chempionatining yangi mavsumida ham bir necha oy o‘tkazib yuborishi mumkin.
