"Liverpul" bosh murabbiyi Yurgen Klopp hujumchi Muhammad Saloh oyog‘idan jarohat olganini tasdiqladi. Anfield Watch nashri xabariga ko‘ra, hujumchi Angliya kubogi doirasida "Nottingem Forest"ga qarshi o‘yinni o‘tkazib yuborishi mumkin.
"Muhammad oyog‘ida yana og‘riq sezdi, shuning uchun vaziyatni oxirigacha kuzatishimiz kerak", dedi Klopp.
20-mart, yakshanba kuni “Liverpul” Angliya kubogi chorak finalida Chempionship vakili “Nottingem Forest”ga qarshi o‘ynaydi.
Muhammad Saloh joriy mavsumda APLda 27 ta o‘yinda maydonga tushib, 20 ta gol va 10 ta golli uzatmani amalga oshirdi.
