"Buxoro" jamoasi bosh murabbiyi Hakim Fuzaylov "Turon"ga qarshi kechgan (2:1) o‘yindan so‘ng o‘z fikrlari fikrlari bilan o‘rtoqlashdi.
"O‘yin haqida nima deyishim mumkin, har doim aytgan gapimni yana takrorlayman, Pro ligada oson o‘yin bo‘lmaydi, ushbu chempionat, o‘z nufuziga ega bo‘lyapti.
Kuchsiz jamoalarning o‘zi yo‘q. Bugungi o‘yin ham buning yorqin isboti. "Turon" jamoasi mavsum startini juda yaxshi boshlashdi, ketma-ket 2 ta g‘alabaga erishdi. Futbolchilarimning g‘alabaga bo‘lgan ishtiyoqlari meni bugun xursand qildi. O‘yinga kelsak jamoalar bir-biriga munosib ko‘rinishdi, futbolchilarim birinchi g‘alabani munosib ravishda qo‘lga kiritishdi. Raqibdan farqli o‘laroq, golga tortadigan vaziyatlar bizda ko‘proq sodir bo‘ldi, menimcha", - dedi Fuzaylov.
