"Бухоро" жамоаси бош мураббийи Ҳаким Фузайлов "Турон"га қарши кечган (2:1) ўйиндан сўнг ўз фикрлари фикрлари билан ўртоқлашди.
"Ўйин ҳақида нима дейишим мумкин, ҳар доим айтган гапимни яна такрорлайман, Про лигада осон ўйин бўлмайди, ушбу чемпионат, ўз нуфузига эга бўляпти.
Кучсиз жамоаларнинг ўзи йўқ. Бугунги ўйин ҳам бунинг ёрқин исботи. "Турон" жамоаси мавсум стартини жуда яхши бошлашди, кетма-кет 2 та ғалабага эришди. Футболчиларимнинг ғалабага бўлган иштиёқлари мени бугун хурсанд қилди. Ўйинга келсак жамоалар бир-бирига муносиб кўринишди, футболчиларим биринчи ғалабани муносиб равишда қўлга киритишди. Рақибдан фарқли ўлароқ, голга тортадиган вазиятлар бизда кўпроқ содир бўлди, менимча", - деди Фузайлов.
