"Zomin" - "Sho‘rtan" uchrashuvidan (2:1) so‘ng “gazchilar” jamoa bosh murabbiyi Asror Aliqulov fikrlarini bildirdi.
- O‘yinda tayyorgarlik jarayonida ob-havo sharoitni ham hisobga olgan edik. Maydon sirpanchiq, o‘yin jarayonida kurashlar ko‘p bo‘lishi, uzun paslar bilan “Zomin” o‘ynashini bilgan edik. Afsuski 11-metrlik jarima to‘pidan gol qo‘yib yubordik. Bu xolatda futbolchilarimiz tartibli o‘yin ko‘rsata olmadi. Hujumdan, himoyaga qaytish jarayonda ikkinchi marta 11 metrlik jarima belgilandi, raqibga bunday qulay imkoniyatni bermasligimiz kerak edi. Afsuski, gol o‘tkazib yuborgandan keyin, hujumlarga berildik, xato orqali raqib bizdan foydalandi. Shunga qaramay biz o‘yinni oxirigacha uynab, ochkoni saqlab qolishga va qo‘lga kiritish uchun kurashdik. Ko‘rdingiz imkoniyatlar bo‘ldi, lekin gol urish nasib qilmadi.
“Zomin” jamoasi keskin, agressiv xarakat qiladi. Bu yilgi “Zomin” PRO-Ligada yuqorid o‘rinlar uchun kurashadi. Tarkibiga qarab aytganda, futbolchilardagi ishtiyoq, ko‘rashuvchanlik yaqqol ko‘zga tashlanib turibdi.
