"Yuventus" hujumchisi Paulo Dibala yozda jamoani erkin agent maqomida tark etadi.
Mundo Deportivo nashrining xabar berishicha, argentinalik futbolchiga "Barselona" qiziqish bildirmoqda. Jamoa rahbariyati agar Usmon Dembele bilan yangi shartnoma borasida kelisha olmasa, yozda Dibalani o‘z safiga qo‘shib olishga harakat qiladi.
Avvalroq "Yuventus" mutasaddilari Dibala bilan yangi shartnoma borasida kelisha olmaganini ma’lum qilgan edi.
28 yoshli argentinalik yulduz joriy mavsum barcha turnirlarda 29 ta o‘yinda maydonga tushib, 13 ta gol urdi va 6 ta golli uzatma amalga oshirdi.
