"Ювентус" ҳужумчиси Пауло Дибала ёзда жамоани эркин агент мақомида тарк этади.
Mundo Deportivo нашрининг хабар беришича, аргентиналик футболчига "Барселона" қизиқиш билдирмоқда. Жамоа раҳбарияти агар Усмон Дембеле билан янги шартнома борасида келиша олмаса, ёзда Дибалани ўз сафига қўшиб олишга ҳаракат қилади.
Аввалроқ "Ювентус" мутасаддилари Дибала билан янги шартнома борасида келиша олмаганини маълум қилган эди.
28 ёшли аргентиналик юлдуз жорий мавсум барча турнирларда 29 та ўйинда майдонга тушиб, 13 та гол урди ва 6 та голли узатма амалга оширди.
