«Real» himoyachisi Dani Karvaxal «Barselona»ga qarshi bo‘lib o‘tgan o‘yindan so‘ng ehtiyotsiz harakati tufayli muxlislar g‘azabiga uchradi.

Futbolchi Ispaniya termasidagi jamoadosh Jordi Alba tomonidan instagramga qo‘yilgan suratga "layk" bosib qo‘ydi. Bu suratda "Barselona" futbolchilari "Santyago Bernabeu" kiyinish xonasida g‘alabani nishonlayotgani aks etgan edi.

Karvaxalning harakati "Real" muxlislarida keskin norozilikni keltirib chiqardi. Shundan so‘ng Dani "layk" belgisini olib tashladi.

Karvaxal "el-klasiko"ni asosiy tarkibda boshlagandi, ammo tanaffusda Anchelotti uni zaxiraga oldi. Futbolchi "Barsa"ga qarshi o‘yinda ko‘p asabiylashdi, Ferran Torres bilan yakkama-yakka kurashlarda muvaffaqiyatli harakat qila olmadi. Uning uzatmalari aniqligi yuqori bo‘lmadi.