«Реал» ҳимоячиси Дани Карвахаль «Барселона»га қарши бўлиб ўтган ўйиндан сўнг эҳтиётсиз ҳаракати туфайли мухлислар ғазабига учради.

Футболчи Испания термасидаги жамоадош Жорди Альба томонидан инстаграмга қўйилган суратга "лайк" босиб қўйди. Бу суратда "Барселона" футболчилари "Сантьяго Бернабеу" кийиниш хонасида ғалабани нишонлаётгани акс этган эди.

Карвахалнинг ҳаракати "Реал" мухлисларида кескин норозиликни келтириб чиқарди. Шундан сўнг Дани "лайк" белгисини олиб ташлади.

Карвахаль "эл-класико"ни асосий таркибда бошлаганди, аммо танаффусда Анчелотти уни захирага олди. Футболчи "Барса"га қарши ўйинда кўп асабийлашди, Ферран Торрес билан яккама-якка курашларда муваффақиятли ҳаракат қила олмади. Унинг узатмалари аниқлиги юқори бўлмади.