"Yuventus"ning sobiq futbolchisi Blez Matuidi jurnalistlarga hujumchi Paulo Dibalaning ketayotgani haqidagi xabarni eshitib, hayratda qolganini aytdi.
“U ajoyib futbolchi va ajoyib inson. Uning ketishiga hayronman, uning o‘rnini bosish va o‘z saviyasidagi boshqa futbolchini topish oson bo‘lmaydi. Yillar davomida u ajoyib natijalarga erishdi va ishonchim komilki, u muvaffaqiyatga erishish va yaxshiroq bo‘lish imkonini beradigan klub topadi. Buni qabul qilish qiyin, lekin yangi sahifani ochish uchun sizda kuch bo‘lishi kerak”, dedi Matuidi.
Dibalaning italyan klubi bilan shartnomasi yozda nihoyasiga yetadi va tomonlar shartnomani uzaytirish borasida kelisha olishmayapti.
