"Ювентус"нинг собиқ футболчиси Блез Матуиди журналистларга ҳужумчи Пауло Дибаланинг кетаётгани ҳақидаги хабарни эшитиб, ҳайратда қолганини айтди.
“У ажойиб футболчи ва ажойиб инсон. Унинг кетишига ҳайронман, унинг ўрнини босиш ва ўз савиясидаги бошқа футболчини топиш осон бўлмайди. Йиллар давомида у ажойиб натижаларга эришди ва ишончим комилки, у муваффақиятга эришиш ва яхшироқ бўлиш имконини берадиган клуб топади. Буни қабул қилиш қийин, лекин янги саҳифани очиш учун сизда куч бўлиши керак”, деди Матуиди.
Дибаланинг италян клуби билан шартномаси ёзда ниҳоясига етади ва томонлар шартномани узайтириш борасида келиша олишмаяпти.
