UEFA Italiya va Argentina terma jamoalari o‘rtasidagi uchrashuv qayerda bo‘lib o‘tishini e’lon qildi.
Londondagi "Uembli" stadioni mezbonlik qiladigan uchrashuv UYEFA va KOMNEBOL o‘rtasida tuzilgan yangi hamkorlik doirasida bo‘lib o‘tadi. Unga ko‘ra, Italiya Yevro-2020, Argentina esa Amerika kubogining amaldagi sohibi sifatida o‘yinda ishtirok etishadi.
O‘yin 1 iyun kuni bo‘lib o‘tishi va "Finalissima" deb atalishi kelishib olindi. Agar bahsda durang qayd etilgan taqdirda, to‘g‘ridan-to‘g‘ri penaltilar seriyasi o‘tkaziladi.
Ma’lumot uchun, Italiya – Argentina uchrashuvi Yevropa chempionati va Amerika kubogining amaldagi g‘oliblari o‘rtasidagi tarixdagi uchinchi rasmiy o‘yin bo‘ladi.
