"Milan" "Liverpul" hujumchisi Divok Origi bilan shaxsiy shartnoma shartlarini kelishib oldi, deya xabar beradi jurnalist Nikolo Skira.
Manba bergan xabarga ko‘ra, 26 yoshli belgiyalik futbolchi Italiya klubi bilan 3,5 million yevro maosh bilan 4 yillik shartnoma imzolaydi. Futbolchi Premyer-liga va Germaniya chempionatining nomi ma’lum qilinmagan uchta klubi taklifini rad etdi.
Hujumchining "Liverpul" bilan shartnomasi 2022 yilning iyun oyi oxirigacha amal qiladi, futbolchi erkin agent sifatida klubni tark etishi kutilmoqda.
2021/22 yilgi mavsumda Origi 14 uchrashuvda 5 ta gol urdi va 3 ta golli uzatmani amalga oshirdi.
