"Милан" "Ливерпуль" ҳужумчиси Дивок Ориги билан шахсий шартнома шартларини келишиб олди, дея хабар беради журналист Николо Скира.
Манба берган хабарга кўра, 26 ёшли бельгиялик футболчи Италия клуби билан 3,5 миллион евро маош билан 4 йиллик шартнома имзолайди. Футболчи Премьер-лига ва Германия чемпионатининг номи маълум қилинмаган учта клуби таклифини рад этди.
Ҳужумчининг "Ливерпуль" билан шартномаси 2022 йилнинг июнь ойи охиригача амал қилади, футболчи эркин агент сифатида клубни тарк этиши кутилмоқда.
2021/22 йилги мавсумда Ориги 14 учрашувда 5 та гол урди ва 3 та голли узатмани амалга оширди.
