Londonning “Tottenxem” klubi rahbariyati Turinning “Yuventus” klubidan shved yarim himoyachisi Deyan Kulusevskini sotib olmoqchi.
The Guardian xabariga ko‘ra, London jamoasi 21 yoshli shvesiyalik futbolchini yozda sotib olishi mumkin. "Shporlar" jamoaga tezda moslashib qolgan Kulusevskining o‘yinidan juda mamnun, shuning uchun sotib olish opsiyasi yozdayoq faollashtirilishi mumkin. Shvesiyalik uchun "Tottenxem" taxminan 30 million yevro to‘laydi.
Eslatib o‘tamiz, joriy mavsum Deyan Kulusevski Premyer-ligada 9 ta o‘yinda maydonga tushib, 2 ta gol urdi va 4 ta golli uzatmani amalga oshirdi.