Лондоннинг “Тоттенхэм” клуби раҳбарияти Туриннинг “Ювентус” клубидан швед ярим ҳимоячиси Деян Кулусевскини сотиб олмоқчи.
The Guardian хабарига кўра, Лондон жамоаси 21 ёшли швециялик футболчини ёзда сотиб олиши мумкин. "Шпорлар" жамоага тезда мослашиб қолган Кулусевскининг ўйинидан жуда мамнун, шунинг учун сотиб олиш опсияси ёздаёқ фаоллаштирилиши мумкин. Швециялик учун "Тоттенхэм" тахминан 30 миллион евро тўлайди.
Эслатиб ўтамиз, жорий мавсум Деян Кулусевски Премьер-лигада 9 та ўйинда майдонга тушиб, 2 та гол урди ва 4 та голли узатмани амалга оширди.
