Aprel oyi boshida "Milan" hujumchisi Rafael Leauning agenti va klub vakillari o‘rtasida uchrashuv bo‘lib o‘tadi. Tomonlar shartnomani uzaytirish bo‘yicha muzokaralarni yakunlashga harakat qiladi. Bu haqda jurnalist Nikola Skira xabar berdi.
Manbaning xabariga ko‘ra, portugaliyalikning yangi shartnomasi 2026 yilgacha hisoblab chiqilgan bo‘lib, bonuslarni hisobga olmaganda yiliga 4,5 million yevro maosh oladi. Leauning amaldagi shartnomasi 2024 yilning yozida yakuniga yetadi.
Joriy mavsumda 22 yoshli hujumchi “Milan” safida 33 ta o‘yinda maydonga tushib, 11 ta gol urdi va 6 ta golli uzatmani amalga oshirdi.
