Апрель ойи бошида "Милан" ҳужумчиси Рафаэль Леаунинг агенти ва клуб вакиллари ўртасида учрашув бўлиб ўтади. Томонлар шартномани узайтириш бўйича музокараларни якунлашга ҳаракат қилади. Бу ҳақда журналист Никола Скира хабар берди.
Манбанинг хабарига кўра, португалияликнинг янги шартномаси 2026 йилгача ҳисоблаб чиқилган бўлиб, бонусларни ҳисобга олмаганда йилига 4,5 миллион евро маош олади. Леаунинг амалдаги шартномаси 2024 йилнинг ёзида якунига етади.
Жорий мавсумда 22 ёшли ҳужумчи “Милан” сафида 33 та ўйинда майдонга тушиб, 11 та гол урди ва 6 та голли узатмани амалга оширди.
