"Barselona" Gavi va Ronald Arauxo bilan muzokaralarda jiddiy o‘zgarishlar qilmoqchi emas.
Diario Sport xabariga ko‘ra, Kataloniya klubi rahbarlari bu futbolchilarning jamoa uchun qanchalik muhim ekanini bilishadi, biroq ular futbolchilarga katta maosh taklif qila olishmaydi.
"Barselona" aniq pozisiyasini egallagan: o‘yinchilarga yuborilgan yangi shartnoma takliflarida faqat kichik o‘zgarishlar bo‘lishi mumkin.
Kataloniya klubi hali ham og‘ir iqtisodiy ahvolda. Joan Laporta o‘zidan oldingi prezident Xosep Bartomeuning xatolarini takrorlashni va maoshlarni oshirib yuborishni istamaydi.
"Barselona" Gavi va Arauxo jamoada qolishni istasa, loyihaning sport tomoniga e’tibor qaratishlari kerak deb hisoblaydi. Jamoa ularga boshqa klublar taklif qilganidek pul to‘lay olmaydi.
Qayd etilishicha, futbolchilarning o‘zlari qolishni istamoqda.
Xabar qilinishicha, urugvaylik ham, ispaniyalik ham ayni damda "ko‘k-anorranglilar"ning so‘nggi takliflarini rad etishgan.
