"Yuventus" ayni vaqtda "Sevilya"da ijara asosida harakat qilayotgan "Manchester Yunayted" hujumchisi Entoni Marsyalga qiziqish bildirmoqda.
La Stampa xabariga ko‘ra, Italiya klubi yozda 26 yoshli fransiyalik futbolchining transferini amalga oshirmoqchi.
Marsyalning o‘zi "MYU"ga qaytishni istamayapti va faoliyatini davom ettirishning boshqa variantlarini ko‘rib chiqishga tayyor.
Hujumchining "Manchester Yunayted" bilan shartnomasi 2024 yilgacha mo‘ljallangan. Transfermarkt portali futbolchining narxini 28 million yevroga baholamoqda.
Fransuz joriy mavsum La Ligada 5 ta o‘yin o‘tkazib, 1 ta golli uzatmani amalga oshirdi.
