«Barselona» prezidenti Joan Laportaning maslahatchisi Yordi Kroyff klubdagi moliyaviy ahvol haqida gapirdi. Ma’lumki, ushbu muammo tufayli «Barsa» futbolchilari maoshini kamaytirishga majbur bo‘lishdi.

«Ispaniyadagi moliyaviy feyr-pley qoidalari va iqtisodiy muammolar ko‘p odatiy narsalar endi imkonsiz ekanligini anglatadi. Ispaniyada qoidalar Yevropaning qolgan qismiga qaraganda qattiqroq. 

To‘rt nafar yangi o‘yinchi ham klubning moliyaviy imkoniyatlari yetarli bo‘lishini ta’minlashga harakat qilishdi, buning uchun ulardan minnatdormiz.

«Barselona» - hali ham o‘zgacha klub. Futbolchilar bu yerda o‘ynash uchun puldan voz keishga tayyor», - deydi Yordi.