«PSJ» Lissabonning «Sporting» klubiga tegishli Nunu Mendeshni sotib olish ustida ishlamoqda.

19 yoshli portugaliyalik joriy mavsumni «PSJ»da ijara asosida o‘ynamoqda. Fransiya klubi chap qanot futbolchisini 40 million yevroga sotib olishi mumkin. Bu haqda transfer insayderi Fabrisio Romano xabar berdi.

«PSJ»ning Chempionlar ligasidan tushib ketgani va bu ko‘plab mish-mishlarga sabab bo‘lganiga qaramay, Mendesh masalasida parijliklarning pozisiyasi o‘zgarmadi. Ayni damda tomonlar futbolchining transferini muhokama qilishmoqda.

Nunu Mendesh joriy mavsum «PSJ» safida 29 ta o‘yinda maydonga tushib, 2 ta golli uzatmani amalga oshirgan.