«ПСЖ» Лиссабоннинг «Спортинг» клубига тегишли Нуну Мендешни сотиб олиш устида ишламоқда.
19 ёшли португалиялик жорий мавсумни «ПСЖ»да ижара асосида ўйнамоқда. Франция клуби чап қанот футболчисини 40 миллион еврога сотиб олиши мумкин. Бу ҳақда трансфер инсайдери Фабрицио Романо хабар берди.
«ПСЖ»нинг Чемпионлар лигасидан тушиб кетгани ва бу кўплаб миш-мишларга сабаб бўлганига қарамай, Мендеш масаласида парижликларнинг позицияси ўзгармади. Айни дамда томонлар футболчининг трансферини муҳокама қилишмоқда.
Нуну Мендеш жорий мавсум «ПСЖ» сафида 29 та ўйинда майдонга тушиб, 2 та голли узатмани амалга оширган.
