Rimning «Lasio» klubi «Yuventus» futbolchisiga qiziqish bildirmoqda.
«Lasio» moliyaviy muammolarga duch kelmoqda va shu sababli erkin agent maqomidagi futbolchilar bilan shartnoma imzolamoqchi. Il Messaggero nashri xabariga ko‘ra, rimliklarning asosiy maqsadi «Yuventus» futbolchisi Federiko Bernardeski bo‘lib turibdi. Uning turinliklar bilan amaldagi kelishuvi uch oydan keyin yakuniga yetadi.
Bernardeski o‘yin amaliyoti kamligi sabab «Yuventus»ni tark etishi mumkin. Turin klubi 28 yoshli vingerga shartnomani uzaytirishni taklif qilgan, biroq italiyalik futbolchini kelishuv shartlari qoniqtirmagan.
