«Manchester Yunayted» «Barselona» himoyachisi Ronald Arauxoni qo‘lga kiritish uchun kurashda peshqadamlik qilmoqda, deb xabar beradi Marca.
Himoyachining Kataloniya klubi bilan shartnomasi 2023 yilda yakuniga yetadi. Oxirgi ma’lumotlarga ko‘ra, Arauxo shartnomani uzaytirish bo‘yicha «Barselona»dan tushgan bir qancha takliflarni rad etgan. Manbaga ko‘ra, Arauxo «Barselona»ni tark etsa, uni qo‘lga kiritmoqchi bo‘lgan klub «Manchester Yunayted» bo‘ladi.
Arauxo joriy mavsumda La Ligada 22 ta o‘yinda maydonga tushib, 4 ta gol urdi. Transfermarkt ma’lumotlariga ko‘ra, futbolchining narxi 40 million yevroni tashkil qiladi.
