"Navruz Cup-2022" turniri doirasidagi ilk o‘yin — Uganda va Tojikiston o‘rtasidagi bahsni Rustam Lutfullin boshchiligidagi hakamlar jamoasi boshqarib boradi.
Unga qanotlarda Aleksandr Sidorov va Baxtiyorxo‘ja Shavkatov yordam beradi. Akobirxo‘ja Shukurullayev esa zaxira hakami sifatida faoliyat olib boradi.
Shuningdek, O‘zbekiston — Qirg‘iz Respublikasi uchrashuvida bosh hakamlik Nasrullo Kabirovga ishonib topshirildi. Unga qanotlarda Ismoil Nuraliyev hamda Vafo Karayev yordam beradi. Zaxira hakami vazifasi esa Sayyodjon Zayniddinovga yuklatilgan.