Italiya futbol federasiyasi prezidenti lavozimini egallab turgan Gabriele Gravina Shimoliy Makedoniya bilan dueldagi “Skuadra Adzurra”ning fiaskosi haqida gapirdi. Italiyaliklar 0:1 hisobida yutqazib qo‘yishdi.
Shu tariqa, Italiya terma jamoasi ketma-ket ikkinchi jahon chempionatini o‘tkazib yuboradi.
“Biz juda xafamiz, lekin bu futbol. O‘tgan yozda biz bayram qildik, endi esa mag‘lubiyat alamini boshdan kechirmoqdamiz. Muxlislarimizga juda achinaman.
Umid qilamizki, Manchini va uning xodimlari hech qayerga ketmaydi. Mag‘lubiyatdan keyin ham o‘ziga kelib, ishlashda davom eta oladi. O‘tgan yozda biz shon-shuhrat nurlari bilan quvondik, endi biz tanqidga tayyor bo‘lishimiz kerak", deb ta’kidladi Gravina.
