Италия футбол федерацияси президенти лавозимини эгаллаб турган Габриэле Гравина Шимолий Македония билан дуэлдаги “Скуадра Адзурра”нинг фиаскоси ҳақида гапирди. Италияликлар 0:1 ҳисобида ютқазиб қўйишди.
Шу тариқа, Италия терма жамоаси кетма-кет иккинчи жаҳон чемпионатини ўтказиб юборади.
“Биз жуда хафамиз, лекин бу футбол. Ўтган ёзда биз байрам қилдик, энди эса мағлубият аламини бошдан кечирмоқдамиз. Мухлисларимизга жуда ачинаман.
Умид қиламизки, Манчини ва унинг ходимлари ҳеч қаерга кетмайди. Мағлубиятдан кейин ҳам ўзига келиб, ишлашда давом эта олади. Ўтган ёзда биз шон-шуҳрат нурлари билан қувондик, энди биз танқидга тайёр бўлишимиз керак", деб таъкидлади Гравина.
