Scottish Sun xabariga ko‘ra, "Milan" "Bolonya" himoyachisi Aaron Xikiga qiziqish bildirmoqda.

Klub texnik direktori Paolo Maldini kelasi mavsumda Teo Ernandes bilan raqobatlasha oladigan futbolchi qidirmoqda, deya xabar beradi manba.

Xiki joriy mavsum A Seriyada 27 ta o‘yinda maydonga tushib, 4 ta gol urdi va 1 ta golli uzatmani amalga oshirdi.

Yaqinda 19 yoshli himoyachi Shotlandiya terma jamoasi safida ilk uchrashuvini o‘tkazgandi. Transfermarkt ma’lumotlariga ko‘ra, futbolchining transfer narxi 15 million yevroni tashkil qiladi.