Madridning «Real» klubi yozgi transfer oynasida 9 nafar futbolchisi bilan xayrlashishni rejalashtirmoqda, deb xabar beradi Goal.

Garet Beyl, Isko va Marselo mavsum oxirida jamoani tark etmoqchi, chunki ularning shartnomalari 1 iyulda yakunlanadi va ular bilan yangi shartnoma imzolanmaydi. Bu klubga taxminan 60 million yevro tejash imkonini beradi. Tejalgan pul Kilian Mbappeni sotib olish uchun ishlatiladi.

«Real» yozda qutulishga harakat qiladigan yana to‘rt nafar futbolchi bor. Bular Eden Azar, Luka Yovich, Mariano Dias va Xesus Valyexo. Ta’kidlanishicha, katta ehtimol bilan Azar va Yovich ijaraga beriladi.

Shartnomalari 2023 yilda tugaydigan yana ikki futbolchi ham jamoadan ketishi kutilmoqda. Bular Marko Asensio va Dani Sebalyos hisoblanadi.