Мадриднинг «Реал» клуби ёзги трансфер ойнасида 9 нафар футболчиси билан хайрлашишни режалаштирмоқда, деб хабар беради Goal.

Гарет Бэйл, Иско ва Марсело мавсум охирида жамоани тарк этмоқчи, чунки уларнинг шартномалари 1 июлда якунланади ва улар билан янги шартнома имзоланмайди. Бу клубга тахминан 60 миллион евро тежаш имконини беради. Тежалган пул Килиан Мбаппени сотиб олиш учун ишлатилади.

«Реал» ёзда қутулишга ҳаракат қиладиган яна тўрт нафар футболчи бор. Булар Эден Азар, Лука Йович, Мариано Диас ва Хесус Вальехо. Таъкидланишича, катта эҳтимол билан Азар ва Йович ижарага берилади.

Шартномалари 2023 йилда тугайдиган яна икки футболчи ҳам жамоадан кетиши кутилмоқда. Булар Марко Асенсио ва Дани Себальос ҳисобланади.