«Manchester Siti» «Benfika» hujumchisi Darvin Nunyes uchun kurashga qo‘shildi, deb xabar beradi Record.

Manbaning aytishicha, hujumchi Xosep Gvardiola jamoasida o‘ynashni orzu qiladi. Avvalroq, hujumchiga «Vest Xem» ham qiziqish bildirayotgani haqida ma’lumotlar paydo bo‘lgandi.

Nunyes joriy mavsumda Portugaliyaning chempionatida 22 o‘yin o‘tkazib, 20 gol va 2 golga assistentlik qildi. Transfermarkt ma’lumotlariga ko‘ra, futbolchining transfer narxi 40 million yevroni tashkil qiladi.

Nunyes Chempionlar ligasi 1/8 finali javob o‘yinida «Ayaks» darvozasiga g‘alaba keltiruvchi gol urganidan so‘ng ko‘pchilik klublarning e’tiboriga tushganini ham ta’kidlash kerak.