Terma jamoalar bilan bog‘liq tanaffusda o‘yin amaliyotiga ega bo‘lish maqsadida "Paxtakor"  "Bunyodkor" bilan nazorat bellashuvi o‘tkazdi.

Ko‘plab futbolchilar terma jamoalar yig‘iniga jalb etilgani sababli mazkur uchrashuvda Slavche Voyneski yoshlar jamoasining bir necha futbolchilarini ham maydonga tushirdi. Birinchi bo‘limda Roziyevga nisbatan ishlatilgan qo‘pollik uchun belgilangan penaltidan Sharkich hisobni ochdi. 16-daqiqada esa "Bunyodkor" ham penaltidan bunga javob berdi. Pobulich imkoniyatdan unumli foydalandi. 35-daqiqada Mirahmadov sobiq jamoasi darvozasini ishg‘ol qildi. U Aliboyevning uzatmasidan so‘ng yaqin masofadan kuchli zarba bilan gol muallifiga aylandi.

Ikkinchi bo‘limda yosh futbolchilar maydonga tushishdi. 73-daqiqada O‘rinboyev darvozaning uzoq burchagiga to‘pni aniq yo‘lladi - 3:1. O‘yin oxirlarida Suyunov Polubichning penaltidan ikkinchi urinishini bartaraf qilib, to‘pni qaytarib yubordi. Bahs jamoamizning 3:1 hisobidagi g‘alabasi bilan yakunlandi.

"PAXTAKOR" - "BUNYODKOR" - 3:1 (2:1)
Hakam: Viktor Serazetdinov.
"Paxtakor": Suyunov, Azmiddinov (Ergashboyev, 67), Larin, A’zamov (Asqarov, 63), Xadjiyev, Roziyev (Poyonov, 72), Yoqubov (O‘rinboyev, 63), Aliboyev (Islomov, 79), Sharkich, Cheran (Jabborov, 74), Mirahmadov.
Gollar: Sharkich 8-pen, Mirahmadov 35, O‘rinboyev 73 - Pobulich 16-pen.