"Real Madrid"ning dominikalik hujumchisi Mariano Dias Madrid jamoasini tark etishni qat’iyan rad etdi.

As nashri xabariga ko‘ra, 28 yoshli dominikanlik futbolchi uch marta "qirollik klubi"ni tark etishdan bosh tortgan. Forvard Madridda o‘zini qulay his qilmoqda va yiliga to‘rt yarim million yevro maosh bilan shartnomasini oxirigacha tugatib qo‘yishga tayyor. Eslatib o‘tamiz, Dias va "Real" o‘rtasidagi kelishuv 2023 yilning yoziga qadar tuzilgan.

Joriy mavsumda Mariano Dias Ispaniya chempionatida beshta o‘yin o‘tkazib, bitta golli uzatmani amalga oshirdi.