«Reyms» yarim himoyachisi Ugo Ekitike «Roma»ning qiziqishlari doirasiga tushdi, deb xabar beradi Calciomercato.

19 yoshli futbolchi joriy mavsumda Liga—1da 21 ta o‘yinda maydonga tushib, 9 ta gol va 2 ta golli uzatmani amalga oshirdi. Uning o‘yini bir qancha klublar, jumladan, «Nyukasl»ning ham e’tiborini tortgan.

Qayd etilishicha, Rim klubi vakillari futbolchining atrofidagilar bilan ehtimoliy transfer borasida gaplashib olishgan.

Transfermarkt xabariga ko‘ra, futbolchining transfer narxi 20 million yevroni tashkil qiladi. Uning «Reyms» bilan shartnomasi 2024 yilda yakuniga yetadi.