«Реймс» ярим ҳимоячиси Уго Экитике «Рома»нинг қизиқишлари доирасига тушди, деб хабар беради Calciomercato.
19 ёшли футболчи жорий мавсумда Лига—1да 21 та ўйинда майдонга тушиб, 9 та гол ва 2 та голли узатмани амалга оширди. Унинг ўйини бир қанча клублар, жумладан, «Ньюкасл»нинг ҳам эътиборини тортган.
Қайд этилишича, Рим клуби вакиллари футболчининг атрофидагилар билан эҳтимолий трансфер борасида гаплашиб олишган.
Трансфермаркт хабарига кўра, футболчининг трансфер нархи 20 миллион еврони ташкил қилади. Унинг «Реймс» билан шартномаси 2024 йилда якунига етади.
