Fransiya terma jamoasi bosh murabbiyi Dide Desham o‘rtoqlik o‘yinida Kot-d`Ivuar ustidan qozonilgan g‘alaba haqida fikr bildirdi.

- So‘nggi daqiqalarda kiritilgan gol evaziga g‘alaba qozonish yoqimli. Kot-d'Ivuarliklar ustidan biz avvalroq g‘alaba qozonishimiz mumkin edi. Raqib bizga biroz muammolar tug‘dirdi, ayniqsa birinchi bo‘limda - bunday uchrashuvlarda qiyinchiliklarga duch kelganimiz yaxshi. O‘yin shiddat va texnik jihatidan o‘rtoqlik o‘yinidan ko‘ra, rasmiy o‘yinga yaqinroq bo‘ldi.

Jiru? Men u uchun ham, jamoa uchun ham xursandman. U biz bilan bo‘lganida va uning klubida ishlar unchalik yaxshi ketayotganida ham, u har doim hujumlarni yakunlashda hal qiluvchi bo‘lish qobiliyatiga ega edi.

Chuameni va Pogba? Ularning kombinasiyasi jamoamizga yarim himoyada kerakli muvozanatni beradi. Chuameni raqibdan to‘pni olib qo‘yishda yaxshi o‘ynaydi, Pogba esa har doim oldinga borishga qaror qiladi - ularning tandemi shunday ishlaydi" - dedi Desham.