Italiyaning «Bolonya» klubi bosh murabbiyi Sinisha Mixaylovich bir muddat jamoani tark etishga majbur bo‘lganini aytdi.

«Leykemiya qaytdi. Men bu kasallik bilan yana kurashishga tayyorman. Siz doimo yashash uchun kuch topishingiz kerak. Keyingi haftalarni Sant’Orsalo kasalxonasida o‘tkazaman. Klub men uchun hamma narsani qildi – ular jamoa mashg‘ulotlarini va "Bolonya" o‘yinlarini ko‘rishim uchun bo‘limimni jihozlashdi», — deya mutaxassisning so‘zlaridan iqtibos keltirmoqda Janluka Di Marsio.

Avvalroq, Mixaylovich 2019 yilning yozida unga tashxis qo‘yilgan leykemiyadan davolangan edi.