Angliya terma jamoasi mag‘lubiyasiz seriyasini uzaytirdi.
Garet Sautgeyt shogirdlari bugun o‘rtoqlik uchrashuvida Shveysariyani mag‘lub etishdi (2:1).
2020 yil noyabrida “uch sherlar”ga so‘nggi mag‘lubiyatini (penaltilar seriyasidan tashqari) Belgiya terma jamoasidan Millatlar ligasi o‘yinida (2:0) qabul qilib olgandi.
O‘shandan beri britaniyaliklar 21 uchrashuv o‘tkazib, 17 marta g‘alaba qozongan va 4 marta durang o‘ynagan. Bu Angliya tarixidagi eng uzoq mag‘lubiyasiz seriya hisoblanadi.
O‘tgan yozda inglizlar Yevropa chempionati finalida Italiyaga penaltilar seriyasida mag‘lub bo‘lgan (1:1, penaltilar bo‘yicha 2:3), ammo statistikada bunday uchrashuvlar durang sifatida qayd etilgan.
